Vizêrî ra nata Dêrsim û qezayanê ey de vewre varena. Bi varayîşê vewere mîyanê şaristanî de raşteyî, parqî û baxçeyî bîyê sip-sipî.
Şaro ke verê ban û dikananê înan vewre girewt, vewre kerdî pak. Heto bîn ra ekîbê dezgeyê bejrayîrî û yê Beledîyeya Dêrsimî cadeyan ser o xebata pakkerdişê vewre kerde. Domanî zî bi keyeyanê xo pê vewre kay kerd û pê keyf kerd.
Heto bîn ra ame zanayîş ke, qezayanê Pilemûriye, Qisle, xozat û Pûlûrî de rîyê varayîşê vewere ra rayîrê 229 dewan padîyayo.
Heto bîn ra Çolîg, Xarpêt û Erzîgan de zî çend rojîyo ke vewre varena û ê cayan de zî rayîrê xeylê dewan ameyê qefilnayîş.
