Platformê Emeg û Demokrasî yê Dêrsimî, vera şîdet, madeyo hîşber, çeteyîye û pêrodayîşo ke wextanê peyênan de sûke de zêdîyayo, veng da şarî ke tewrê rayraşîyayîşo ke do meşte bêro viraştene, bibo.
Platformê Emeg û Demokrasî yê Dêrsimî do meşte saete 18:00 de Kuçeyê Hunerî de yew rayraşîyayîş virazo.
Endamanê platformî verê rayraşîyayîş ra merkezê çarşî devilawekî vila kerdî û veng da welatîyan ke beşdar bibê. Wekîla Dêrsimî ya DEM Partî Ayten Kordu û xeylê kesî bînî zî tewrê vilakerdişê vilawekan bîy.
Ayten Kordu welatîyî dawetê rayraşîyayîşî kerdî û îfade kerd ke ganî vera polîtîkaya pûçkerdişî ya ke sûke de yena caardene, pîya micadele bêro kerdene.
