Ewro qeyûm tayînê Halk TVyî ame kerdene; vera ney hêrs û razînêbîyayîşher ke şino beno zêde. Partîyanê sîyasîyan ra heta dezgehanê rojnamagerîye reaksîyonê girdî ameyî mojnayîş. Komeleya Rojnamageran a Dîcle û Firatî (DFG), DÎSK Basin-Îş û Cemîyeta Rojnamageran a Başûrê Rojhelatî (GGC) bi eşkerayîyanê cîyayan hêriş û qayûm şermezar kerdî.
DFGî îfade kerd ke serdegirewtişê kanalî seba azadîya çapemenîye tehdîd o û va: "Ma sey DFGî hetê kedkaranê Halk TVyî de yê û ma do vera pêro zextanê serê çapemenîye têkoşînê xo rê dewam bikerê."
DÎSK Basin-Îşî destnîşan kerd ke serdegirewtişê Halk TVyî mudaxeleya heqê şarî yo yê girewtişê agahîyan û xeberan o; heman wext de veng da raya pêroyîye ke wayîrê azadîya çapemenîye bivejîyo.
GGCyî zî îfade kerd ke ê pêroyê prosesî nezdî ra taqîb kenê û ehemmîyetê heqê xebergirewtişî ard vîrî. GGCyî beyanatê xo de wina va: "Goreyê prensîbanê evrenselî ê meslegê rojnamagerîye, serdestîya qanûnî û ercê demokratîkî, ma veng danê pêroyê terefan ke tewiro biaqil û ronayox bimocnê. Ma feydeya pawitişê azadîya çapemenîye û heqê şarî yo yê agahîgirewtişî reyêke bîne anê vîrê her kesî."
