Zanîngeha Mardin Artukluyî (MAU) ya ke binê banê Enstîtuya Ziwananê Ganîyan ê Tirkîya de perwerdeyê akademîk ê kurdkî dana, bi rayîrê Merkezê Tetbîqat û Cigêrayîşî yê Perwerdeyê Dûrî ra (MAUZEM) bernameyêko hîra yê perwerde û îmtîhanan da dest pêkerdiş.
No program hem seba kesê ke wazenê newe ra dest bi musayîşê ziwanî bikerê, hem zî seba kesê ke wazenê sewîyeya xo bi yew belgeyo resmî bigîrê fersendêko muhîm o.
Seba kesê ke kursan nêgênê labelê wazenê rasterast ziwanê xo aver berê û belge bigîrê zî eke perwerde serkewte qedênayo, sertîfîka dîyena ci. Kesê ke ser bikewê, do sertîfîkaya resmî ya bi tesdîqê Zanîngeha Mardin Artukluyî bigêrê.
Prosesê muracet û qeydkerdişî
Kurs û îmtîhanî seba her kesî akerde yê; şertê serran yan zî mezûnîyetî çin o. Muracetî keyepelo resmî yê MAUZEMî (mauzem.artuklu.edu.tr) ser o yenê kerdiş.
SEMEDÊ QEYDBÎYAYÎŞÎ BITIKNE
