Mudurîyetê Fakulteya Edebîyatî ya Beşê Ziwan û Edebîyatê Kurdkî yê Zanîngehê Mardin Artukluyî de endamê heyetê musnayîşî, akademîsyeno Hêniiyîj Dr. Îlyas Akman bi profesor. Akmano ke serê kirdkî (zazakî) de xebatanê akademîkî keno, bi nê unwanî Tirkîya û dinya de bi profesoro verên yê warê Ziwan û Edebîyatê Zazakî.
Akmanî serra 2020î de zî unwanê doçentê verênî yê Ziwan û Edebîyatê Zazakî girewtbi û dest eştbî verênîyêke.
Eserê ey û xizmetê seba Zazakî
Prof. Dr. Îlyas Akman qedênayîşê lîsans û doktoraya xo ya Beşê Ziwan û Edebîyatê Tirkî yê Zanîngehê Dîcleyî ra pey, xebatê xo bi temamî ziwan û edebîyatê zazakî (kirdkî) ser o domna. Akman standardîzekerdiş û arêdayîşê edebîyatê Zazakî ser o bi cigêrayîşanê xo yê akademîkî şinasîyeno.
Nuştoxê kitabanê sey Modern Zaza Hikâyeciliği, Zaza Romancılığı, Sözden Yazıya Zazaca, Zaza Dil ve Edebiyat Araştırmaları (Edebîyatê Zazakî) û “WK Merdimîn’in Dîwan’ında Sosyal Eleştiri ve Çözüm Önerileri” Prof. Dr. Îlyas Akmanî deryayê teberî de zî unîversîteyanê verênan ê sey Columbia University û University of Massachusetts Amherst de sey akademîsyenê meymanî dersî dayî.
