Diyanetî ca da heşt ziwanan la ca nêda Kurdkî

Serekîya Karanê Diyanetî ya Tirkîya xûtbeyanê xo do ca dano heşt ziwanan la ca nêdano ziwanê Kurdkî.

Diyanetî ca da Tirkî, Erebkî, Almankî, Franskî, Îngîlîzkî, Îspanyolkî, Îtalyankî û Rûskî la ca nêda Kurdkî.

Verê cû zî Wezaretîya Weşîye ya Tirkîya xebatêke daybî dest pêkerdiş û xebatan xo de ca daybî zaf ziwanan la ca nêdaybî Kurdkî (Zazakî-Kurmanckî)

Na hewe zî Diyanetî xebata xo ya dîjîtale de ca da heşt ziwanan la ca nêda Kurdkî. 

Serekê Karanê Diyanetî Ali Erbaşî hesabê xo yê Xî de beyanatêk da û aşkere kerd ke, înan Ofîsê Dîjîtalî yê Serekkomarîye reyde pîya xebatêke kerda û nika ra tepîya xûtbeyanê roja Îne û Roşanî de heşt ziwanê bînî îlawe bîyê û nê ziwanî do e-Devlet de bêrê cakerdiş.