ZAZAKÎ NEWS - Wextê hamnanî de Amed de hewayo germ zêdîyayo û heyatî ser o tesîrêko xirab keno. Sûke de germayîye resaya 45 derece, şar heta ke mecbûr nêbo nêvejîyeno teber.
Na rewşe ra, cayê tarîxî û turîstîkî zî veng mendî.
Bi taybetî peynîyê hewteyî de cayê ke zaf qelebalix bîyêne, nika binê na germayîye de veng ê. Cayê sembolîkî yê sûke sey Zereyê Sûrî, Camîya Pîle, Pirdê Desçim û Baxçeyê Hewselî de bêvengîye esta.
Wextanê nîmerojî de tîje tesîrê xo hîna zêdnena, kuçeyî hema vaje pêro veng ê.
Esnafê Sûrî zî kemîbîyayîşê mişterîyan ra şikayet kenê.
