ZAZAKÎ NEWS - Qezaya Dîyarbekirî Yenîşehîr, mehelaya Şehîtlixî de şewa bîne wextê şanî de yew kênaya ciwane ya ke texmînen 20 serrî bîye, merd. Goreyê îdîayan, kênaya ciwane qata 5ine ya yew apartmane ra kewta waro û merda.
Goreyê zanayîşanê ke ameyî girewtiş, hedîse wextê şanî de mehlaya Şehîtlixî de yew apartmane de ame meydan. Ame îdîakerdîş ke kênaya ke nameyê aye Merve bi, wexto ke keye de tena bîya, sebebêko ke hema bewlî nîyo ra, qata 5ine ra kewta waro. Ame musayîş ke wextê hedîseyî de waya aye ya dilete û yew merdima aye bazar de bîyê.
Ekîbî ameyî cayê hedîseyî
Xeberdayîşî ser o, ekîbê weşîye û polîsî cade ameyî cayê bîyayîşî. Ekîbanê weşîye tesbît kerd ke kênaya ciwane cayê hedîseyî de merda. Cenazaya Merve seba karanê otopsîye wedarîya Nêweşxaneyê Perwerde û Cigêrayîşî yê Gazî Yaşargîlî. Dima ke karê otopsî qedîya, cenaza Goristanê Yenîkoyî de amey definkerdiş.
Maye qanserî ra, pî hepisaxane de yo
Derheqê keyeyê kênaya ciwane de ame zanayîş ke maya aye par nêweşîya qanserî ra merda û pîyê aye zî hepisxane de yo.
Tem nêno zanayîş ke kêna xo bîna ra eşta yan ameya eştiş
