Hemserekê verênî yê HDPyî û Parlamenterê Riha yê DEM Partî Mîthat Sancar, bi endamê Heyetê Îmralîyî yo newe. Pawîyeno ke Heyet demêko nezdi de şiro Rayberê PKKyî Abdullah Ocalan zîyaret biko.
Vervatoxa DEM Partî Ayşegule Dogane tesdîq kerd ke Mîthat Sancar bîyo endamê Heyetê Îmralîyî.
Goreyê malumatê ke Merkezê Xeberan ê DEM Partî ra ameyê girewtene, nîqaşan ra dima qerar ameyo dayene ke Parlamenterê Riha Mîthat Sancar, cayê Sirri Sureyya Onderî de Heyetê Îmralîyî de ca bigîro .
Endamê Heyetê Îmralîyî Sirri Sureyya Onder, dima ke nêweş kewtbi û nêweşxane de mendêne, 18 rojan ra dima, 3yê Gulane de wefat kerdbi.
Bi destpêkerdişê prosesî ya bi PKK reyde, Pervîn Buldan û Sirri Sureyya Onder sey Heyetê Îmralîyî ameybî tesbîtkerdene û dima ra tayê kesê bînî zî tewrê pêvînayîşanê Îmralîyî bîbî. Heyetî, tewr peyên 21ê Nîsane de Abdullah Ocalanî reyde pêvînayîş kerdbi.