ZAZAKÎ NEWS - Çarçewaya tehqîqatê “sextekarîye” ke vera Beledîyaya Bajarê Pîlî ya Îstanbulî de, derheqê 44 kesan de qerarê destbend kerdişî ame dayîş. Serekê Beledîya Beyogluyî Înan Guney zî mîyan de, 40 kesî ameyî dest bendkerdiş.
Tehqîqato ke Serdozgerîya Komare ya Îstanbulî derheqê xeylê kesan de, Ekrem Îmamoglu zî mîyanê înan de yo, dabî dest pêkerdiş, dewam keno.
Nê kesî bi sûcdarîyanê sey "rayberîya rêxistina sucî", "endamîya rêxistina sucî", "sextekarîye", "ruşwet", û "îhaleyan de kerdişê fesadîye " sûcdar benê.
Îdîa beno ke, Serekê Beledîya Beyogluyî Înan Guney zî tede yo, zaf kesî mîyanê Medya A.Ş., Kultur A.Ş. û Beledîyaya Bajarê Pîlî ya Stenbolî de ca girewtê û têkilîya înan bi Murat Ongunî û şikbaro fîrar Emrah Bagdatlî reyde esta.
Polîsan, bi yew operasyono hemwext eşt xeylê keyeyan ser û Serekê Beledîya Beyogluyî ya Îstanbulî Înan Guney zî tede, 40 şikbarî destbend kerdî.
