ZAZAKÎ NEWS - Serekê Şaredarîya Hezroyî yê AK Partî Fuat Mehmetoglu, Qeymeqamê Burhaniyeyî Cumalî Atîllayî meqamê ey de zîyaret kerd û seba wezîfeyê ey o newe serkewtiş waşt. Cumalî Atîlla, o ke verî sey qeyûmî Beledîyaya Bajarê Pîlî ya Amedî de wezîfe kerdbi, eslê xo Xarpêt ra û Zaza bi, nika sey qeymeqamê qezaya Balikesîrî Burhaniyeyî wezîfe keno.
Cumalî Atîlla, o ke wextêk Beledîyaya Bajarê Pîlî ya Amedî de sey qeyûm kar kerdbi û weçînayîşanê herêmîyan ê 2019î de namzedê Serektîya Şaredarîya Bajarê Pîlî ya Amedî yê AK Partî bi, rojanê vîyarteyan de bi Qerarnameyê Tayînkerdişê Amîranê Îdareyê Mulkî yê serra 2025î, sey qeymeqamê qezaya Burhaniye ya Balikesîrî ame tayînkerdene.
Cumalî Atîlla
Cumalî Atîlla eslê xo Xarpêt ra bi, serra 2016î de, dima ke Hemserekê Şaredarîya Bajarê Pîlî ya Amedî yê ê wextî Gulten Kişanak û Firat Anli ameyî tepiştiş, hetê Wezaretîya Karanê Zereyî ra sey qeyûm seba Beledîya amebi tayînkerdiş. Atîllayo ke weçînayîşanê herêmîyan ê 2019î de namzedê Serektîya Şaredarîya Bajarê Pîlî ya Amedî yê AK Partî bi, weçînayîş de vîndî kerdbi.
