ZAZAKÎ NEWS - Erxenî de cenazeya Yasemîna 9 serrîye vengîya derencaya adirî de amey vînayene!
Qezaya Dîyarbekirî Erxenî de, cenazeya keyneka 9 serre ya bi nameyê Yasemîn, ya ke sey vîndîbîyaye ameyêne cigêrayene, vengîya derenceya adirî ya yew apartmane de amey vînayene.
Goreyê agahîyanê ke ameyê girewtene, vizêr Taxa Kemertaşî ya Sîteya Mahirkentî de, nêzdîyê saete 19:00 de keyeyê Yasemîn Yildirim a 9 serre aye ra xebere nêgirewte û îxbar kerd.
Îxbarî ser o ekîbê polîsan herême rê ameyî şirawitene. Netîceyê cigêrayîşê polîsan û keyeyî de, nêzdîyê saete 24:00 de cenazeya Yasemîne vengîya nêrdîwena adirî ya sîte de amey vînayene.
Cenazeya Yasemîna qijkeke, seba ke otopsîya ci bêro kerdene, erşawîya morgê Sazîya Tibê Edlî (Adli Tıp Kurumu). Ame vatene ke derheqê hedîseyî de cigêrayîş dewam keno.
