ZAZAKÎ NEWS - Îspanya de sebebê germê zêdeyî ra, zêdeyê 120 hezar hektar erazîyê daristanî veşayî. Îspanya, na sere hamnano tewr germîn yê tarîxê xo vîyarnena. Mergê ke sebebê germayîya zêde ra virazîyenê, hûmara serra vîyarteyî zêde ya.
Goreyê raporê Sîstemê Teqîbkerdişê Mergan ê Rojane yê Îspanyayî (MoMo), mabênê 15ê Gulana 2024î û 30ê Îlona 2024î de Îspanya de 2 hezar û 12 kesan sebebê germayîya zêde ra merdê. Na hûmare, destpêkê serre ra hetanî 16ê Tebaxa 2025î de bîye 2 hezar û 405 kes.
Tena di hefteyanê verênan ê aşma Tebaxe de, 931 kesan sebebê germayîya zêde ra wefat kerd.
Goreyê raporê Enstîtuya Meteorolojîye ya Dewlete (AEMET), 16ê Tebaxe de 224 istasyonanê peymitişî yê pêro welatî de germayîye 40 dereceyan ra zêdêr bîye.
Heto bîn ra, Îspanya de şewatê daristanan 23 herêman de dewam keno.
