Mergê Ugur Kaymazo ke Mêrdîn, qezaya Qoserî de 21ê Teşrîna 2004î de wexto ke 12 serre bi, hetê polîsan ra pa pîyê xo ame kiştiş ser ra 21 serrî vîyartî.
Qoser de, 21ê Teşrîna 2004î de verê keyeyê xo de Ugur Kaymazo 12 serre û pîyê ey Ahmet Kaymaz o ke şofêrê kamyonî bi, bi guleyanê polîsan ameybî kiştiş. 13 guleyî wucûdê Ugurî rê isabet kerdbî.
Se Bibi?
Ugur Kaymazo 12 serre û pîyê ey Ahmet Kaymaz, 21ê Teşrîna 2004î de Mêrdîn, Qoser de hetê polîsan ra ameybî kiştiş. Kaymaz û pîyê ey o ke şofêrê kamyonî bi, wexto ke verê keyeyê xo de malzemeyan barê kamyonî kerdêne, bîyî hedefê guleyanê polîsan.
Linga Ugur Kaymazî de sandaletî, linga pîyê ey de zî solê ke sey terlikî ameybî paykerdene estbîy. Seba ke kiştiş sey yew pêrodayîşî bêro mojnayîş, kişta cenazeyanê Ugur Kaymazî û pîyê ey ke paştî ra ameybî pirodayene, keleşnîkofî ameybî ronayîş.
