Taximê Kurdan Amedspor, Lîga 1. ya TFFyî de bi mêmanê Umranîyesporî û maç bi netîceya 4-3 qediya.
Amedsporî maçî rê zaf lez dest pêkerd. Deqîqaya 37. de Andre Poko taximê xo 1-0 vist vernî. Çar deqîqa dima, kaykerdoxê reqîbî Burak Oksuzî gole eşte qeleya xo û ferq vejîya 2.
Umranîyesporî xo ver da
Deqîqayanê dergkerdeyan ê nîmeyê verênî de Batuhan Çelikî seba Umranîyesporî gole eşte û ferq kerd yew. Nîmeyê dîyinî de eynî kaykerdoxî reyna gole eşte û skor kerd 2-2.
Gyan û Diagne vejîyay sahne
Dima ke skor bi seypê, Amedsporî zextê xo zêde kerd û stêrko ciwan Felix Afena-Gyanî taximê xo reyna vist vernî: 3-2. Labelê Umranîyesporî bi golê Benny skor kerd 3-3. Kaykerdoxanê Amedsporî seba 'faul'î zaf îtîraz kerd, la hakemî qerarê gole da.
Diagne nuqte rona
Deqîqaya 90+3. de golkerê Amedsporî Mbaye Diagne vejîya sahne. Diagne gole eşte û Amedsporî bi netîceya 4-3 ser kewt.
Bi nê netîceyî Amedspor vejîya rêza dîyine.
