Polîsan ewro Dîyarbekir de eşt bînaya Komela Edebîyatkaranê Kurdan û zerar da zaf kitab û kovaran.

Polîsanê qezaya Peyasî ya Amedî de eşt bînaya Komela Edebîyatkaranê Kurdan û zerar da zaf kitab û kovaran. Polîsan dest na 150 kitabî û 500 hûmaranê kovaran ser. Polîsan kilîtê berî zî şikit.

Hemserekê Komele Rêdûr Dîjleyî derheqê babetî de va: "Ma nêzanê ke baskinî çira ameya kerdene. Wextê baskinî de destê polîsan de lîsteya îdareyê komele û nameyê kesanê îdarekaran estbî. Polîsan va ke derheqê yew embazî de tehqîqat esto. La ma rê çîyêk nêame vatene. Ma nê na kerdene şermezar kenê."