Nuştoxê Vateyî Fuarê Kitaban de standê Weşanxaneyê Vateyî de kitabanê xo îmza kenê.
Fuarê Kitaban yê Mezopomanyayî yê Dîyarbekirî roja çarine de dewam keno.
Goreyo ke vajîya, cayê Fuarî de 120 standî ameyê ronayîş, 300 weşanxaneyî û 350 nuştoxî ameyê Fuar û qasê 150 hezar kesî zî Fuar zîyaret kerdê.
Fuarê kitaban de Weşanxeneyê Vateyî zî raştê eleqeyêko pîl yeno.
Rojane seyan kesî Weşanxaneyê Vateyî zîyaret kenê û xo rê kitabanê Zazakî erînenê.
Peynîya nê hewteyî (23.12.2023) de zî nuştoxê Vateyî standê Vateyî de wendoxanê xo dir yenê têhet.
Endamê Grûba Xebate yê Vateyî, nuştox û cigêrayox M. Malimîsanij, wayîrê Weşanxaneyê Vateyî Denîz Gunduz, Şaîr Omer Barası û Bedrîye Topaç roja şemeyî do mabênê saetanê 13.00 û 17.00 de standê Vateyî de cayê xo bigîrê û wendoxan rê kitabanê xo bidê îmzakerdiş.
Kitabê şîîran ê Bedriye Topaç SEBR û kitabê şîîran ê Umer Barasi DIJEYÊ PISTANAN newe hetê weşanxaneyê Vateyî ra ameyê çapkerdiş. Kesê ke biwazê eşkenê ê her di kitabanê şîîran Fuarê Mezopotamnya de standê Weşanxaneyê Vateyî ra bierînê.
Zazakî News
