Mehmet Ay
Na mewzu zaf derg a, roja ke însan ameyo dinya na mewzu ameya xeberdayîş, munaqeşe bîya labelê peynîya ci nêameya. Belê ma ha çi hal de yî, wezîyetê ma çî yo? Meselaya eslî perwerde çi tewir bo? Çi wextî dest pê kerdo? Ademî ra nat a zanayan vato: perwerde çiqas lez(lez bêro dayîş) bo hende bitêsîr o serî merdimî de.
Tayê vanî gere perwerde 5 serre dest pêbikero, tayê vanî însan bêro dinya gere perwerde zî dest pê bikero. Tewr zaf zî vanî însan pizeyê dadîya xo de bo ke gere perwerde dest pê bikero. Zanayê hemdemî nika nê mewzuyî de hemfikir î. Yew însan erzîya pizeyê dadîya xo perwerdeyê ey dest pê keno. Dadî û babîyê ey ey ro benî nimune, ey ro benî roşn ney semedî ra yo ke "Dîn" dadî û babîyî kerdî muqedes. Kam dadî û babîyê xo ra hes bikero, înan ro rind bibo Homa ey mukafat keno. Gede çimanê xo akeno û tewr verê dadî û babîyê xo vîneno, dima dorûverê xo û çi vîno mêzgê xo de qeyd keno eke çîyo rind vîno beno baş eke çîyo nêbaş vîno beno nêbaş.
Zanyar John Lucke vato: mêzgê însanî çarçoweyo vengo, ti çi dekerî ci însan o yo. Raşt vato çunke dorûverê ma de nê numuneyî zaf î. Ma gedeyanê xo perwerde nêker ma tapa kewenî duştê şaran de. Gedeyê ma îstîqbalê ma yî. Ma wayîrê înan nêvejî ma zaf çîyan vîndî kenî. Ez vana ke ma pêro sermayeyê xo bide gedanê xo. Felatê şarê ma no yo. Weş û war bê.
