Goreyê Kampanyaya ‘Sêşema Na ji Cezayê Darvekirinê re’, hewteyê vîyarteyî de Rojhelat û Îran de 20 tepişteyî ameyî îdamkerdiş. Kampanya ke hetê tepişteyanê sîyasîyan ê 38 zîndananê cîyayan ra ameya destpêkerdene, no hewt kewt hewteyê xo yo 79.
Kampanyaya ‘Sêşema Na ji Cezayê Darvekirinê re’ eşkera kerd ke serrêk de hûmara kesanê ke ameyî îdamkerdiş resa hezar û 477 kesan.
Kampanya, dewamê eşkerayîya xo de wina va; “Hewteyê vîyarteyî, cezaya îdamî ya tepişteyê sîyasî Yequb Direxşanî ameya birnayîş. Vera nê qerarî, tepişteyanê zîndananê Qerçek û Tahranî razînêbîyayîşê xo mojna û sloganî eştî. Serekê Dadwerîye yê Îranî Hisên Muhsînî, yew eşkerayîya çapemenîye de bi hawayêko eşkera va ke ê do înan bêveng bikerê.”
Kampanya da zanayene ke demê şerê 12 rojî yê mabênê Îsraîl û Îranî de, zêdeyê 2 hezar kesî ameyî destbendkerdene.
Tewr peynî de, Kampanyaya ‘Sêşema Na ji Cezayê Darvekirinê re’ veng da azadîwazan, çalakvanan, merdimanê tepişteyanê sîyasîyan, rêxistinanê mîyanneteweyîyan û her kesî ke vera nê îdaman vengê xo berz bikerê.
