Riha de Karkerê Ozak Tekstîlî 10 rojîyo ke semedê heqanê xo greve de yê.
Ewro cendirmeyan midaxeleyê çalakîya înan kerd û 22 karkerê Sendîkaya BÎRTEK-SENî ameyî derdestkerdiş.
Karkerê Ozak Tekstîlî ê ke 10 rojîyo ke semedê neheqîya ke înan rê bena îstifa kerdê û heqanê xo wazenê.
Karkerê ke ewro ameyî vernîya fabrîqa aşkere kerd ke ê do ewro saete 80:00 ra hetanî 16:00 bikewê mîyanê fabrîqa û protestoyê xo bîyarê ca .
Naye ser o cendirmeyan bi copan û gaz eşt karkeran ser û 22 karkerî û îdarekarê Sendîkaya BÎRTEK-SENî tepiştî.
Badê midaxeleyê cendirmeyan, karkerê ke zereyê fabrîqa de bî zî zere ra ameyî teber û desteg day çalakîye.
Karkerî vanê; Ma do hetanî peynî, heta ke waştişê ma bêre ca çalakîya xo rê dewam bikê .
