Rojnameger Levent Gultekîn, bîşew ame destbend kerdiş. Awûqatê ey Çagrî Çetînî, eşkerayîyêk da û va: "Muwekkîlê mi Levent Gultekîn, seat 01.20 de Bebek de yew qehwexane ra ameyo destbend kerdiş."
Hetê bînî ra, awûqatê ey pare kerd ke o hetê şubeyê ewleyîye ra neqlê Mudurîya Emnîyetî ya Wîlayetê Stenbolî ya Vatanî bîyo.
Ame musayîş ke Gultekîn o ke seba tayê vateyanê xo yê weşanê kanalê xo yê YouTubeî de bi îddîaya "eşkera vilakerdişê malumatê şaşî yê seba şarî" ameyo destbend kerdiş, îfadeyê xo de nê çîyî vatê:
"Kamcî malumato şaş ke mi vila kerdo wa vajê. Vîdeo seranser şîroveyo sîyasî yo, şîroveyê hedîseyanê rojaneyan ser o. Mi name nêvato, yew cumle zî heqaretê tu kesî nêkerdo."
Gultekînî va: "Mi keyeyê xo de, 17ê Kanûna 2025î de wextanê şanî de vîdeo ant. Ez ke tedeyê vîdeoyî ana vîrê xo, mi tede tu unsûrê sûcî nêdî."
