Semedo ke wayîrê Şêx Seîdî vejîyabi û vatbi "Şêx Seîd ercêkê herêma ma yo" Parlamenterê ÎYÎ Partî yê Îstanbulî Salîm Ensarîoglu yo Dîyarbekirij bi waştişê îxraçkerdişî sewqê Dîsîplînî bibi.
Naye ser o Salîm Ensarîogluyî hêrsê xo mojnabi û ÎYÎ Partî ra îstîfa kerd.
Salîm Ensarîogluyî beyanatê xo de va " İYİ Partî felsefeya xo ya ronîyayîşî ra dûrî kewta. Ez zî ewladêka na herême ya. Şêx Sêîd, Bediüzzaman Seîd Nursî û Seyîd Riza pêro qîmetê ma yê.”
12 hezar û 750 kesî do ÎYÎ Partî ra îstîfa bikê!
Dima ra pêhesîya ke lajê ey Vejdin Ensarioğlu yo ke Serekê Teşkîlatê Bajarî yê ÎYÎ Partî yê Dîyarbekirî yo, o zî îstîfa bikero.
Vejdin Ensarioğluyî va, “Ma do ewro pêrûna endamanê teşkîlatê xo arê bide û ÎYÎ Partî ra îstîfa bike. 12 hezar û 750 endamê estê. Ma do pêro-pîya îstîfa bike ”
Parlamenterê ÎYÎ Partî Salîm Ensarîoglu wayîrê Şêx Seîdî vejîya û vera heqeranê vejîya û va "Şêx Seîd ercê ma yo"
La semedê nê wayîrvejyayîşê ey Vervatoxê ÎYÎ Partî Kurşad Zorluyî aşkere kerd ke, ê nê vatişanê Ensarîogluyî qebûl nêkenê û înan dosyaya Salîm Ensarîogluyî erşawita dîsîplîn.
