ZAZAKÎ NEWS - Mabênê Hukmatê Sûrîye û Hêzanê Sûrîyeya Demokratîke (HSD) de pîyameyîşêko hîra virazîya. Çarçeweyê pîyameyîşî de, mîyanê HSDyî ra tûmenêko leşkerî do bêro ronayîş, entegrasyonê hêzanê leşkerî û îdarî do bêro temînkerdene û heqê perwerde û medenî yê şarê Kurdî do bêrê sererastkerdiş.
Goreyê metnê pîyameyîşî, “Hêzê leşkerî do xetanê temasî ra xo biancê û hêzê asayîşî yê pabesteyê Wezaretê Karanê Zereyî yê Sûrîye, do bikewê merkezanê bajaranê Heseke û Qamişlo”.
Onca, tûmenêko leşkerî yo ke hîrê tûgayanê HSDyî ra yeno pê do bêro ronîyayîş. Seba hêzanê Kobanî zî tûmenêk pabesteyê Wîlayetê Helebî de tûgayêka cîya do bêra awankerdiş.