ZAZAKÎ NEWS - PENa Kurd, Komela Edebîyatkaranê Kurdan û YEW Kurd, derheqê bîyayîşanê peyênan ê Rojavayê Kurdîstanî de eşkerayîyêk weşanay. Sazîyanê edebîyan îzah kerd ke pawitişê Rojavayê Kurdîstanî, pawitişê Amed û Hewlêrî yo.

Sazîyanê edebîyan îfade kerd ke no dem "seserra mendiş û nêmendişî ya" û vengdayîşê yewîya neteweyîye kerd.

Beyanatê sazîyan o nuştekî ke bi Zazakî ameyo nuştiş û ameyo dayîş cêr de yo

“Sere de sey nusser û rewşenbîranê kurdan, ma binê sîwana PENa Kurd, Komeleya Wêjekaranê Kurd û YEW Kurd de, jibo erjênayîşê (erzênayîşê) vîyartîyanê Rojawayê Kurdistanî û diyar kerdışê helwestêka neteweyî ameyî têhet. Na dewrê de ke serê herda ma de tarîx ancîya nusîyeno, ma sey karkeranê ziwan û edebîyatî, wezîfeya xo ya tarîxî nîqaş kerde û netîceyê ke cor de yê, bi raya peşkêş (umumî) ra pare kenê:

​1. Bangê Yekîtiya Neteweyî: Sersala Estbîyene û Çînyebîyene de Sîtarkerdışê Rûmetî

​Vîyartîyê ke ewro Rojawayê Kurdistanî de benê, tene bedilîyayîşê siyasî yan zî eskerî yê herêmî nîyê; na rûbirûbîyayîşêka tarîxî ya estbîyene û çînyebîyena şerbetê kurdî ya. Rojava, ewro bîyo qelbê xoverdayîşî û aynîka ameyoxê ma pêroyan. Ganî rind bêro zanayene ke, her derba ke biwero Rojava, canê ma pêroyan û xeyalanê ma yê azadîye ro vêna.

​Rola Rewşenbîr û Hunermendan

Nusser, rewşenbîr û hunermendî, wijdanê komelî yê. Na dewr de, wezîfeya ma tene nustîyene kul û derdan nîya, labelê heme wextî de hûnandîyê tora yewîye ya.

Pênûs û veng: Ganî pênûsa nusseran û vengê hunermendan sînoranê destvîraştan (sûnîyan) ravêro.

Yewîya Mayînde: Ma bang kenê ke mabenê rewşenbîranê her çar perçeyanê Kurdistanî de platformêka mayînde û xurte bêra awankerdene, wa vera asîmîlasyon û hêrişanê çandî bibê sîper.

​Heta Ma Nêbê Yew, Ma Do Tim Kêm Bimanê

Tarîxî zof rey nîşanê ma dayo ke perçebîyayîş, binketîyêka tewr pîl a. Heta ke ma sey netewe nêbê yew veng û yew helwest, ma do miyanê firtunayanê siyasî yê Rojhelatê Mîyanênî de her tim bêpawitiş û bêstatu bimanê.

​“Yewîya ma, tene waştişêk nîya; jibo pawitişê rûmet û herda ma, mecburîyetêka tarîxî ya.”

​Ma nê rastîyî vîr ra nêkerê: Pawitişê Rojawayê Kurdistanî; pawitişê Hewlêr, Amed û Mehabadî yo.

​2. Şoreşa Rojava: Ronesansê Cinîyan û Pawitişê Rûmetê Merdimatîye

​“Şoreşa Rojava, tene bedilnayîşê sîstemêkê siyasî nîya; a şoreşa cinîyan a ke qelbê aye bi îradeyê azadîye pif keno.”

Na şoreşe, vera tarîtîya ke waştêne sîstemê kolekerdışî serê komelî de ferz bikero, sey hîvî û roşnayîyêka vejîya werte. Miyanê nê xoverdayîşî de cinîye bîye; bi bawerî, bi raman û bi canê xo rayberîya nê rayraşîyayîşê bimbarekî kerde. Şoreşa Rojava îspat kerd ke heta cinîye azad nêba, komel azad nêbeno.

​Pênûsa Cinîye: Mîrasê Keziyanê Birînan

Ma sey nusser û rewşenbîran, xo sey pawitoğanê nê ruhî vînenê. Pênûsa cinîya kurde ewro tene nênusena, heme wextî de tarîxî serûbinî ava kena. Na pênûse:

Bîya mîrasdarê keziyanê birînan ê cinîyanê camêranê ma ke rayê rûmetî de canê xo da.

Bîya vengê de nê cinîyan ke kûçeyan de, çeperan de û keyan de xover danê.

​3. Pênûs Vengê Komelî yo

​Sey afirandoxanê çand, huner û edebîyatî, ma ewro merhaleyêka tarîxî de weda (soza) xo ya vera şerbetê xo nû kenê. Ma rind zanê ke pênûs tene hacetê nustîyene nîyo, la vengê wijdanê komelî yo.

Miyanê Tarîtîye de Roşnayî: Ma do bi murekkebê pênûsa xo, vera her tewir tarîtîye bibê tîrejê roşnayî û raya rastîye nîşan bidê.

Pawitişê Rûmetî: Nusser tene şahîdê vîyartîyan nîyo; o heme wextî de pawitoğê tewr pîl ê heq, nasname û rûmetê komelê xo yo.”