ZAZAKÎ NEWS - Dewaya Serekê Şaredarîya Îstanbulî Ekrem Îmamoglî ya ke semedê vatişanê ke yew panel de derheqê Serekdozgerê Komare yê Îstanbulî Akin Gurlekî û keyeyê ey de şuxulnaybî, tede ameyêne muhakemekerdene, dozgerî mutalaya xo eşkera kerde.
Serekê Şaredarîya Bajarê Pîlî yê Îstanbulî Ekrem Îmamoglî, salonê ke vera Zîndanê Marmarayî de yo û girêdayeyê 14ine Dadgeha Cezaya Girane ya Îstanbulî yo, tede yeno muhakemekerdene.
Roniştiş de, Serekê Pêroyî yê CHPyî Ozgur Ozel û endamê partîye zî sey temaşekerî amade bîyî.
Serekê dadgehe va ke mutalaya derheqê esasî de ya ke hetê Serekdozgerîya Komare ra ameya hazırkerdiş, dosyaya dewa ser o ameya zêdekerdene.
Mutala de ame waştiş ke Îmamoglî bi sûcdarîyanê "semedê wezîfeyê ey ra bi hawayêko eşkera heqaretkerdişê memurê dewlete", "tehdît" û "hedefmocnayîşê kesanê ke xoverodayîşê vera terorî de ca girewto" 2 serran û 8 aşman ra hetanî 7 serran û 4 aşman bi cezaya zîndanî bêro cezakerdiş.
Unca zî seba Ekrem Îmamoglî qedexeyê sîyasetî zî ame waştiş.