ZAZAKÎ NEWS - Çarçewaya tehqîqato ke vera Beledîyaya Bajarê Pîlî ya Stenbolî (İBB) de virazîyeno de, Serekê Beledîya Beyogluyî Înan Guney tewqîf bi. Guneyî reyde, pêro pîya 17 kesî erzîyayê hepisxane. Guney, bi îdîayanê sey "endamîya rêxistine" û "sextekarîye" yeno sûcdarkerdiş.
Çarçewaya tehqîqatî de, Serekê Beledîya Beyogluyî Înan Guneyî zî tede 44 kesî amebî destbend kerdiş. Nê kesan ra 20 kesî, badê ke dozgerîye de îfadeyê înan girewt, seba tewqîfbîyayîşî şawîyay mehkeme.
Mehkeme, derheqê Serekê Beledîya Beyogluyî Înan Guney, sekreterê ey o xusûsî Seyhan Ozcan, zamayê ey Îsmaîl Akkaya û şofêrê ey Deniz Golelîyî zî mîyan de, seba 17 kesan qrarê tepiştişî da. 27 kesê bînî zî bi qedexeyê vejîyayîşê teberê welatî û tedbîranê kontrolê edlî serbest ameyî veradayîş.
