ZAZAKÎ NEWS– Xeylî wextêk o, nêweşxane bi îdîayanê îhale, pakîye û sextekarî qisey beno.
Serekhekîmê Nêweşxaneyê Cigêrayîş û Perwerdeyî yê Gazî Yaşargîlî Mehmet Özel, ewro hesabê xo yê medyaya komelkî ser o yew mesaj pare kerd û va, ey semedê tayê sebeban wezîfe ra îstîfa kerdo.
Özelî mesajê xo de vato, o bawer keno ke îdareyo newe do xizmetanê muhîman bikero û înan rê serkewtiş waşt.
Reyna, ame eşkerakerdiş ke Hetkarê Midurê Nêweşxaneyî Ergîn Eronat zî wezîfe ra îstîfa kerdo.
Aşma verêne, Midurê Weşîye yê Dîyarbekirî amebi bedilnayîş û dest bi tay reforman kerdbi.
Yeno pawitiş ke warê weşîye de reformî do dewam bikerê.
