Aşma verêne fragmanê belgefîlmê bi nameyê “Ra”Yol: Rayê qese ra berza” amebi vilakerdiş.
Aşkere bîyo ke siba (3ê Teşrîna Peynê) Dêrsim de cayê Sinema62 de mabênê saetanê 17.45, 19.00 û 20.00 galaya belgefîlmî esta.
Aşkereyîye de vajîya ke, gala û ramojnayîşê belgefîmî bêbere yo .
No belgefîlm bi hetkarîya Merkezê Cigêrayîşanê Dêrsimî, hetê Huseyîn Ayrılmazî ra Dêrsim de ameyo antiş. Derhênerîya belgefîmî zî Devrîm Tekînoglu kerd.
Belgefîlm bi Kirmanckî (Zazakî) ameyo antene.
Belgefîm do siba Dêrsim de bi galeyêk bêro ramojnayene.
