Çarçewaya tehqîqatê kitabêkê Kurdkî de 2 kesê bînî amey tepiştiş
Eynî tehqîqat de Samî Tan û Ronayî Onen amey veradayîş la Îzzet Çinar û Şukran Çinar amey tepiştiş.
8 baroyan bi beyanatêk vera tepiştişan de reaksiyon nişan da.
Hêzê emnîyetî yê Tirkîya vizêr bi fermanê Serdozgerîya Komare ya Îstanbulî eştbî keyeyanê nuştoxanê Kurd Mevlut Aykoç, Samî Tan û Ronayî Onen ser.
Her hîrê nuştoxî seba amadekerdişê kitabê Hînkerî yo musayîşê ziwanê Kurdkî amey tepiştiş.
Ame zanayîş ke ewro zî çarçewaya eynî tehqîqatî de hêzê emnîyetî Îstanbul de eştê keyeyanê Îzzet Çinar û Şukran Çinarê ser û ê tepiştê.
Mevlut Aykoç, Îzzet Çinar û Şukran Çinar do siba vecîyê verê dozgerî.
Komîsyonê ziwanê Kurdkî yê Baroyê bajaranÊ Amed, Agirî, Êlih, Mêrdîn, Riha, Sêrt, Şirnex û Wanî bi beyanatêko werax reaksiyon nişan day.
Baroyan beyanatê xo de va:
"Oprerasyonê ke nuştoxanê Kurd rê bîyê huqûqî nîyo. Ganî nuştoxê Kurdî pêro bêrê veradayîş."
