Wekîla AK Partî Suna Kepolu Ataman, sîyasetmedara Kurde Leyla Zana ya ke demêk o seba heqaretanê tereftaranê Bursasporî rojdem de ya, zîyaret kerde.
"Zîyaretê hurmetî"
Atamane hesabê xo yê medyaya dîjîtale Xî ser o derheqê zîyaretî de yew parekerdiş kerd û va: "Zîyaretê min ê hurmetî yê seba Leyla Zanaya ercîyayî... Seba mêmanperwerîya aye ya nazike ez sipas kena."
Atamane mesajê xo de îzah kerd ke heqaret û nengê ke vera Leyla Zana ameyê kerdene qet nênê qebulkerdene û waşt ke sehayê futbolî de ziwanê aştî, birayî û dostîye hakim bibo.
Stad de paştgirîya pîle
Maçê Amedspor-Îdirsporî yê vizêrînî de, nêzdîyê 30 hezar tereftaranê Amedsporî bi slogananê sey "Leyla Zana rûmeta me ye" (Leyla Zana rûmeta ma ya) paştî daybî Zana.
