Nuştoxê Rojnamayê Hürriyetî Abdulkadir Selviyî nuşt ke Wezîrê Edaletî Akın Gürlekî kombîyayîşê AKP de derheqê teklîfê "qanûnê çarçewa" de malumat da.
Selviyî saetanê ke Teklîfê Qanûnê "Xurtkerdişê Pêrabestîya Komelkî û Piştgirîya Milî" taqdîmê Meclisî bibî de, detayê kombîyayîşê MKYK yê AK Partî neql kerd. Selviyî vat ke Wezîrê Edaletî Akın Gürlekî vato ke no teklîf seba tasfiyekerdişê PKK yo û rêxistinê bînî do nêeşkê nê qanûnî ra îstîfade bikê. Ame vatene ke Gürlekî winî vato: "Rêxistinê bînî nêeşkenê nê qanûnî ra îstîfadebikerê. Gama ke şêrê Mahkemeya Anayasa zî do nêeşkê nê ra îstîfade bikê."
Öcalan û Demirtaş do nêeşkê îstîfade bikê
Selviyî îfade kerd ke Gürlekî kombîyayîş de vato ke Abdullah Öcalan û Hemserekê Pêroyî ê Verên ê HDPyî Selahattin Demirtaş do nêşko nê qanûnî ra îstîfade bikê.