ZAZAKÎ NEWS - Yewîya Ewropa (YE) da zanayîş ke pawitişê heqanê Kurdan ê Sûriye zaf muhîm o û qerar ame dayîş ke Parlamentoyê Ewropa do seba rewşa vakurê Sûriye kombîyayîşêko taybet virazo.
Kallase va ke înan pêvînayîşanê xo yê bi welatanê herêmîyan reyde, behsê muhîmîya pawitişê heqanê Kurdan kerdo û veng dayo pêro hetan ke çalakîyanê leşkerîyan vindarnê.
Kallase behsê teşebusê YEyî yê seba pêkerdişêkê mabênê HSD û Şamî û vînayîşê çareserîyêka sîyasîye seba şerê Sûriye kerd û bale ante serê yewparçeyîya erdê Sûriye.
Parlamentoyê Ewropa do kombîyayîşêkê na aşme yê Strasbourgî de, hêrişanê vera sîvîlan ê vakurê Sûriye û hewcedarîya adirbestî munaqeşe bikero.
ZAZAKÎ NEWS
