Kamyona ke Dêrsim de kontrol ra vejîya qelibya Çemê Mûnzûrî. 2 kesê ke kamyone de mehsûr mendbî bi xebata ekîbanê ardimî ameyî xelisnayîş.
Rayîrê Dêrsim-Ovacikî ser o kamyonêk kewt mîyanê awa Mûnzûrî. Goreyo ke ame zanayîş kamyona ke şoforê aye kontrolê dîreksiyonî vindî kerd kewt awa Mûnzûrî. Wexto ke hedîse pêhesîya xeylê ekîbê xelisnayîşî şîyê cayê qewimyayîşî.
2 kesî zî hetê ekîbanê xelisnayîşî ra mîyanê awe ra ameyî vetiş û xelisnayîş.
Kesê ke ameyî xelisnayîş wedarîyay Nêweşxaneya Dewlete yê Dêrsimî.
