ZAZAKÎ NEWS – Konseya Şaristanî ya Dîyarbekirî, bi meqsedê hîrakerdişê xebatanê xo, mîyanê xo de yewna meclis na ro. No meclîsê 9. o. Meclîsê Ziwanî yê Konseya Şaristanî, bi kombîyayîşê xo yê verênî Merkezê Kultur û Kongreyî yê Çand Amedî de viraşt û ronîyayîşê xo îlan kerd.
Pa endamê Meclîsê Şaredarîya Bajarê Girdî yê Dîyarbekirî Haki Kaya û Denîz Yalçin, temsîlkarê saziyanê komelê sîvîlî û saziyanê ke warê ziwanî de xebatan kenê û Sereka Daîreyê Kultur û Karûbaranê Sosyalan Zeynep Yaş kombîyayîş de amade bîyî.
Beşdaran kombîyayîş de, derheqê xebatan û sibarojê Meclîsê Ziwanî de vîr û pêşnîyazê xo ardî ziwan.
Kombîyayîş, bi bewlîkerdişê endamanê Heyetê Rayberdişî yê Meclîsê Ziwanî qedîya.
