ZAZAKÎ NEWS – PKKyî vengdayîşê Abdullah Ocalanî ra dima kongreya xo ya 12ine kerd û qerarê fesixî girewt. No qeraro ke bi rojan o amêne pawitiş, Tirkîya de bîyo sebebê keyfweşîye.

Dîyarbekir de govend destpêkerd

Nê qerarê PKK ra dima Dîyarbekir de keyweşîyêka pîle estbî. Zaf kesî verê Camîya Pîle ya Mîyanê Sûrî amey têhet û bi dawul û zirna govend girewtê. Parlamenterê CHPî yê Dîyarbekirî Sezgin Tanrıkuluyî zî govend kerd. Tanrıkuluyî pereyî dayî daulcenan, verê dawulî de bi deqîqeyan kay kerd.