Amedspor o ke maç de nêeşka gol bîerzo, lîderîye vîndî kerde. Amedspor, hefteya 18. ya Lîga 1. ya TFFyî de Bodrumsporî reyde bêgol pîya mend, puanê xo vet 36î û kewt rêza diyîne.
Amedspor, o ke hefteya 17. ya lîgî de vera Bandirmaspor 2-1 serkewtbi bibi lîder, deplasmanê Bodrumsporî de seba 3 puanan vejîya seha. Nêmeyê yewinî yê musabeqayî bi kayêko dengedar vîyart û hetî bi netîceyê 0-0î şîyî odeyanê xo. Nêmeyê diyinî de her di taximan zî seba golî xebitîyayî la skor nêvurîya û musabeqa bi netîceyê 0-0î qedîya.
Amedspor kewt rêza diyîne
Amedspor, bi no qayde puanê xo vet 36î û lîg de kewt rêza diyîne. Bi averajê golan, lîdero newe yê Lîga 1. ya TFFyî Pendîkspor bi.
Trîbunan de jejê sloganan
Pêroyê musabeqa de trîbunê her di taximan zî nêvindertî û lejê sloganan estbi. Trîbunanê Bodrumî ra slogananê sey "Ne mutlu Türküm diyene" û "Mustafa Kemal’in askerleriyiz" ameyî eştene, terefdaranê Amedsporî zî bi slogananê "Kurd in em" û "Jin jiyan azadî" cewab da. Semedê nê lejê sloganan, seha de tansîyon dem dem berz bi.
