ZAZAKÎ NEWS – Maçê Amedspor û Sariyerî emşo Stadyumê Dîyarbekirî de yeno kaykerdiş. Taximê Amedsporî hadrekarîyê xo temam kerdo û pabeyê wextê maçî yo.
Semedê mexlubîyetê vera Sakarya moralê Amedsporî xirab o û terefdaran eleqeyêko pîl nêramojna maçî.
Kaykerê Amedsporî wazenê ke maçê Sakarya vîr ra bikerê û bi serkewtişê Sariyerî morale xo berz bikerê.
Yeno pawitiş ke Amedspor maçê Sariyerî de bi kaykeranê cîyayan bivejîyo saha.
Amedspor 6 maçan de 10 pûanî arêdayê û rêza 9. de yo. Amedspor wazeno bi girewtişê 3 pûanan averşîyayîşê xo bidomno.
Maçê Amedspor û Sariyerî kamcîn kanal de yo?
Maçê Amedspor û Sariyerî, ewro saete 20:00 de Stadyumê Dîyarbekirî de yeno kaykerdiş.
Maç do TRT Spor de bi hawayêko ganî û bêşîfre bêro weşanayîş.