Qezaya Pasûrî ya Amedî de vewra ke vizêr vara, serê sibayî cayê xo verda hewayê tîjinî.
Merkez sipî bi
Varayîşo ke şewe boyna dewam kerd, merkezê qeza kerd sipî. Vewre, merkezê qeza de 5, mintiqayanê berzan de (deşt û ko de) 20 santîmetreyan ra vêşêr varaye. Semedo ke rayîrê tayê dewanê mintiqa qefilîyay, ekîbê şaredarîye herême de dest bi xebate kerd.
Ekîbî rayîran sol kenê
Ekîban seba akerdiş, solriştiş û pakkerdişê rayîran xebatêka hîra da dest pêkerdiş. Ame musayîş ke, bitaybetî cayanê berzan de xebatî bêmabên dewam kenê.
Rayîrwanî zehmetîye ancenê
Hemwelatîyê ke serê sibayî bi dîmenê vewre hewn ra weriştî, kuçeyanê sipîyan de fotografî antî. Heto bîn ra, seba ke germîya hewayî kêmî bîye, qeşa girewt. Hemwelatîyan peyarayîr û kuçeyan de rayîrşîyayîş de zehmetîye ante. Şoforan zî trafîk de bi dîqet rayîr de şîy. Esnafan, bi pakkerdişê verê dikananê xo dest bi roje kerd û hemwelatîyan zî keyfê tijî vet.
