ZAZAKÎ NEWS - Germîya pîle ke Dîyarbekir de tesîrdar a, cuyê rojaneyî kena zehmetin. Sûke de termometreyî 42 dereceyan mocnenê, şar bi zorî eşkeno teber de vindero.
Goreyê malumatê ke Mudirîya Meteorolojî ya Mintiqaya 15ine ra ameyê girewtiş, sûke de ewro germîya tewr berze 42 derece amey peymitiş. Pawîyeno ke do çend rojî germîye eynî sewîye de ba.
Semedê na germîya vêşnayoxe, şaristanijî rojanê xo bi zorî vîyarnenê. Wextê nêmerojî de, kûçe û AVMyê şaristanî hema hema veng manenê, û şar xo erzano cayanê klîmayînan û versîyayan.
Bi taybetî domanî, seba ke xo serdin bikerê, Parka Anzele ya ke qezaya Sûrî de ya, tede kewenê hewzê awe. Unca zî, xeylêk kesî seba hena xo kerdene û serdinbîyayîşî, park û baxçeyanê şaristanî de, binê sîya daran de wextê xo vîyarnenê.
