Festîvala Kultur û Xoza ya Munzurî ya ke bi şîarê 'Vera talanê madenan ma xoza û cuye pawenê' organîze bibi, bi konseran Meydanê Seyîd Rizayî de qedîya.
Konserê roja peyêne de hunermend Hasan Alî vejîya sehne ser 3u kilamî vatî. Alîyî bi wesîleya serrgêra wefatê Aram Tîgranî zî deyîra ey 'Ay Dilberê' va.
Dima Koma Munzurî vejîya sehne ser. Koma Munzurî vera qedexeyê serê Koma İsyan Ateşi û Yorumî nêrazîbîyayîşê xo mojna. Koma Munzurî kome reyde deyîrê xoverdayîşî vatî.
Dima Yilmaz Çelîk û Apolas Lermî vejîyayî sehne ser û kilamî vatî.
Apolas Lermî û Mîkaîl Aslanî dima pîya deyîrî vatî. Mîkaîl Aslanî konser de qisey kerd û vat: ''Êyê ke mabênê şaran de pirdê heskerdişî awan kenê do tarîx de cayê xo bigêrê. Êyê ke mabênê şaran de dişmenîye kenê do tarîx de vînî bibê.''
Aslanî ra dima zî Pervîne Chakar sehne de deyîra Arixî û Tew Veyviklê vate. Qiseykerdişan ra dima zî festîvale bi deyîranê Zeynepe Bakşî qedîya.
