Herêma Kurdistanî de 2 eskerê Tirkîya şer de merdê. Par Zap, Avaşîn û Metîna de operasyonêk bi namê “Pencik” dest pêkerdbi.
Wezaretîya Pawitişî ya Netewî (MSB) aşkere kerd ke Herêma Kurdistanî, mabênê eskeranê înan û PKKîyan de şer û pêrodayîş vejyîyayo. Pêrodyaîş de 2 eskerê înan ameyê kiştiş.
Beyanatê MSByî gore, demê pêrodayîşî de eskerê bi namê Hasan Taş û Fûrkan Gunergok bi giranî birîndar bîyê. Eskerê birîndarî wedarîyayê nêweşxane la pa heme midaxeleyan nêxelisyayê, merdê.
Cenazeyê Taşî do ewro Elbîstan, yê Gunergokî zî do Çewlig de bêrê definkerdiş.
