Şîrketê petrolî yê Brîtanya Shell Dîyarbekir de benzînxaneyê xo de bi heme ziwanan `Şima bi xeyr ameyî` nuşt la ca nêda Kurdî . Naye ra mîyanê Kurdan de kampanyaya boykotkerdişê şîrketê Shellî dest pêkerda.
Dîyarbekir de bi sayê Amîda Haber pê hesîya ke şîrketê petrolî yê Brîtanya Shell Dîyarbekir de benzînxaneyê xo de bi heme ziwanan `Şima bi xeyr ameyî` nuşto la ca nêdayo Kurdî.
Semedo ke Shellî ca nêdayo Kurdî, medyaya sosyale de hashtagê #BoycottShellForKurdish (Kurd Shell Boykot Kenê ) ame akerdiş.
Hereketa Ziwanê Kurdî (HEZKURD) zî vera ney bêveng nêmend û dest bi kampanyaya boykotî kerd.
Vervatoxê HEZKURDî Barij Celalî hesabê xo yê Twitterî ser ra bi Îngilîzî û Kurdî parekerdişêk vila kerd û va “Şima nêeşkenê ziwanê 70 mîlyon Kurdan, erdanê înan ser o înkar bikê!”
Koordînatorê HEZKURDî Fevzî Bulganî zî hesabê xo yê Twîtterî ser ra UNESCO û Shell etîket kerd û bi Kurdî, Îngilîzî û Tirkî parekerdişêk vila kerd ûva “Nêno qebûlkerdiş ke şîrketê petrolî yê Brîtanya Shell ca dayo 10 ziwanan la ca nêdayo ziwanê kurdî . Ma wazenê xizmetê ziwanê kurdî zî xizmetanê her tewir xebatan de ca bigîro.”
Herwiha hunermendê Kurd ê navdar Nizamettin Arîç li ser hesabê xwe yê Twitterê bi Almanî, Tirkî û Kurdî piştgiriyê da kampanyaya boykotkirinê û dibêje “Divê em Kurd hemû berhemên vê şîrketa qirêj @Shell boykot bikin…”
