Goreyê nuçeya MAyî, hêzê emnîyetî ewro eşte keyeyanê Kurd Mevlut Aykoç, Samî Tan û Ronayî Onen ser.
Mevlut Aykoç Îstanbulî de, Samî Tan Riha de û Ronayî Onen zî Amed de ameyî tepiştiş.
Ame zanayîş ke, nuştoxê Kurdî seba kitabê munsayîşê Kurdkî yê bi bandrolê "Hînker"î amey tepiştiş.
Serekê Komelaya Ziwan û Kulturê Kurdî ya Rihayî Samî Tan, Mudirîya Emnîyetî ya Rihayî de ame yeno tepiştiş.
Ame îdîakerdiş ke Hînker "materyalêko perwerdeyê îdeolojîk ê rêxistine" yo.
Samî Tanî ra persê derheqê kitabê musnayîşê Kurdkî "Hînker"î ame persayîş ke ey bi hetkarîya Ronayî Onen, Mevlut Aykoç û Mehmet Sadik Varlî serra 2010î de amade kerdo.
Sebebê amadekerdişê "Hînker" sewîyeya 3yine ame persayîş ke hetê Enstîtuya Kurdî ra serranê 2010, 2011 û 2012î de seba neşrîyatî ameyo amadekerdiş.
Samî Tan îfade kerd ke "Hînker" seba kursanê taybetan ê ziwanê Kurdkî ameyo amadekerdiş.
Karê îfadedayîşê Tanî qedîya la demê tepiştişê ey bi qasê rojêke ame dergkerdiş.
Yeno vatene ke hêzê emnîyetî dosiba Samî Tan bişawê dadgeh.
