Parlamenterê HEDEPî yê Çewlîgî Ömer Faruk Hülakü, Hetkarê Serekkomarê Tirkîya Cevdet Yılmazî ra pers kerd ke, çira teyarayan de anonsê bi Zazakî çin o?
Ömer Faruk Hülakü Meclîse de pernameyêk pêşkêş kerd û waşt wa teyarayê ke şinê Çewlîg de bi Zazakî zî anons bêro kerdiş.
Nika teyarayan de anonsê Tirkî û Îngîlîzkî esto la bi Zazakî yan zî Kurmanckî, bi ziwanê şarî anons nêno kerdêne.
Hülaküyî persnameyê xo Hetkarê Serekkomarê Tirkîya Cevdet Yılmazî rê nê çîyî pers kerdî; "
Şarê Çewlîgî se ra 80ê xo bi Zazakî se ra 20ê xo bi Kurmanckî qisey keno. La şar cayanê resmîyan de nêeşkeno bi ziwanê xo qisey biko yan zî xizmet bigîro. Bi ziwanê xo de xizmet girewtiş heq o. Gereke no heq bidîyo hemwelatîyan .
- Gelo çira Teyarayan de semedê ê kesê ke Zazakî û Kurmanckî zanê, ziwanê înan de anons nêno kerdiş?
- Bi ziwananê Zazakî û Kurmanckî de Teyarageh, otogar, garê trênan de semedê rehetîye şarî qey lewhayî û îşaretê hetan çin ê?
