Hûmara Yewendesine ya Kovara VİR Neşir Bîya

05.11.2023 - 14:27

Kovara VİR hûmara xo ya 11ine çap kerd.

Kovara VİR safî bi Kirdkî (Zazakî) hadre bena û bi na hûmara xo peyîne yewendes hûmarî ameyî neşirkerdiş.

Hûmara yewendesine de 22 nuşteyê cîya bi cîyayî estê.

Hûmara yewendesine de Mehmet Mahfuz Söylemez, Sait Çiya, Ahmet Hakan Vergi, Ahmet Tartık, İdris Söylemez, Hikmet Kaylı, Ahmet Hasanoğlu pê şiiranê xo, Seyfettin Çintay pê nuşteyê muhakeme; Berfin Jêle, İbrahim Dağılma û Hatip Erdoğmuş zi pê hikayeyanê xo, Berfin Çakabay, Canan Kaçar, Bilal Yakışan, Sami Yardımcı, Fatma Kılıç, Hasan Savsa, Nurgül Bitmez, İsmail Yıldız pê estanikan û Ömer Vergi şêrti arêdayi û Münevver Akbana zi ripelê idyoman û vateyê verînan ca girewtê.

Nuşeteyê edîtorî yê Kovara VİR de derheqê hûmara newîye de nê çîyî ameyî vatiş;

Merheba wendoği delali!

Wextêko derg ra pey heyna bı heyecanêko newe, omara yondesın a Vir
resaya şıma dest. Omara yondesın dı ca diya 22 nuşteyan.

Mehmet Mahfuz Söylemez, Sait Çiya, Ahmet Hakan Vergi, Ahmet Tartık,
İdris Söylemez, Hikmet Kaylı, Ahmet Hasanoğlu pê şiiranê xu reng da ına
omar.

Seyfettin Çintay pê nuşteyê muhakeme; Berfin Jêle, İbrahim Dağılma u
Hatip Erdoğmuş zi pê hikayeyanê xu ına omar xemılna.

Berfin Çakabay, Canan Kaçar, Bilal Yakışan, Sami Yardımcı, Fatma Kılıç,
Hasan Savsa, Nurgül Bitmez, İsmail Yıldız pê estanıkan ına omar dı ca gırot.

Heyna Ömer Vergi şêrti arêdayi u Münevver Akbana zi rıpelê idyoman u
vateyê verinan kerd hazır.

Desti heme nuştoğan terni bi, qelema inan zi her daim seba Zazaki qaim
bo.

Ma hêvi keni ki heme wendoği bı keyf u heyecan ına omar waneni.