Serekê Pêroyî yê CHPyî Kemal Kiliçdarogluyî kongreya CHPyî de vînî kerd û Ozgur Ozel bîyo Sereko newe yê Partîya Şarî ya Komare (CHP).
Kongreya CHPyî ya îstîsnayî ya 38. Anqara de virazîya. 1.367 delegeyê kongre serekê newe yê CHPyî, rayberîya newîye ya partîye weçîna.
Tûra diyîne ya raydayîşî de, Ozgur Ozelî 812 rayî girewtî û bi Serekê CHPyî. Sereko verîn Kemal Kiliçdaroglu zî 536 rayî girewtî û vinî kerd.
Kiliçdarogluyî 13 serrî estbî ke serekîya CHPyî kerdêne. Weçînayîşê peyênî de namzetê Serekomarîye bi la sernêkewtbi.
Ozel (49 serrî) Fakulteya Dermansazîye ya Unîversîteya Egeyî de wendo, parlamenterê Manîsa yo û serra 2011î ra nata CHP de parlamenterîye keno.
