Ziwanê ma de yewna kitabo edebî kitabê şîîran yê Bülent Boralî çap bîyo.
Kitabê şîîran yê Bülent Boralî hetê weşanxaneyê “Babek” ra weşanîya.
Kitab 64 pelge yo û tede 19 şîîrî estê.
Kitab de welatî ser o, cuyayîs ser o, eşq u sewda ser o şîîrî estê. Saîrê Dêrsîmî Silêmanê Qijî ser o kî ju şîîre esta. Şîîrêke, Mayanê Şemîye êyê ke domanê xo binê çiman de kerdê vîndî ser o nusîyaya.
Kitab, fuarê Tüyapî de standê Weşanxaneyê Babek de ca gêno. Roja îmza ya kitabî, 4ê Teşrîna Peyêne (Meşte) roja semî saate 13.00 de ro.
Fuarê TÜYAPî
4 Teşrîna Peyêne Saate 13.00 Salon: 10 Stant: 1026D
Bülent Boral 1972 de Çewlig (Bingöl) de dewa Xorxol’î Hêrdîf de ame dîna. 1985 de eve çê ho barkerd şî Estemol. 1995 ra dima Estemol de komelê KAYY-DER de gurênayîsê tîyatroyî de ca guret. Grubê tîyatroyî de nêjdîyê 10 kayê kîrdaşkî u di kayê kirmanckî de kay kerd. 2006 de kitabê huyê şîîrunê Tırki ‘Surginde Mendî Mezelê Ho’ hetê çapxanê Pêrî ra vejîya. 2008 ra dima Kollektîfê Sînemayê Mezopotamya de gurênayîsê ho devam kerd. Na kolektîf de xêlê fîlmu de gurêya. 2011 de Saîrê Dersîmî Silêmanê Qijî sero ju belgefîlm ont. Belgefîlmo de bîn kî ‘Mordemo ke Kemerude Qeseyî Keno’ serra 2022 de suka Vanî de ont. Nîka hetê belgefîlm sero gurênayîsê ho dewam keno.
Zazakî News
