Parlamenterê CHP yê demê 24î yê Dêrsimî Hüseyin Aygünî beyan kerdo ke, o do weçînayîşê 31ê Adare yê mehelîyan de Dêrsim de bi xoser bibo namzet.
Hüseyin Aygün do 22 Çeleyî de derheqê çira beno namzetê serekî Beledîya de beyanatêk bido û behsê projeyanê xo biko.
Hüseyin Aygün îdîa keno ke "Şarê Dêrsimî wazeno wa o bibo namzet" û wîna vano “ Şarê Dêrsimî zaf qayîl o ez bibî serekê Beledîyeya Dêrsimî. Xeylê wext esto ke ez zî ser o fikrîyena. Ez do bi ekîbêka hîraye vejî meydanan û xebate bikî. Ez do 22ê na menge de namzetîya xo aşkere bikî”
Serekê Beledîyeya Dêrsimî yo nikayin Fatih Mehmet Maçogluyî aşkere kerdbi ke o do na ray semedê Dêrsimî nêbo namzet û qezaya Îstanbulî Kadikoy de bibo namzetê TKPyî.
DEM Partî zî beyan kerdbî ke ê do Dêrsim de îtîfaqêk mekerê û bi namzetê xo bikewtê weçînayîş. Nazmetê DEM Patî do nê rojan de aşkere bibê.
