Îstanbul: Çalakîya Kurdî ya NÇMyî onca qedexe bîya

Çalakîya Kurdî ya bi namê “Çîrokên Xorasanê” ya Merkezê Kulturî ya Mezopotamya (NÇM) hetê qaymeqamîya qezaya Fatîhî ra ameya qedexe kerdiş.

Goreyê bernameyî 17ê Hezîrane saete 20.00 Merkezê Kulturî ya Alî Emîrî  de çalakîyêka kulturê Kurdî ya bi namê ÇÎROKÊN XORASANÊ biamê viraştiş.

Çalakî de nuştox Ayhan Erkmenî do estanikî biwendêne, deyîrbazo Îranij Haşim Ferhadî deyrî bivatêne..  

Semedê ena çalakî bilêtî zî ameyî rotiş, la roja 16ê Hezîrane de qaymeqamîya qezaya Fatîhî ena çalakî qedexe kerda.

Merkezê Kulturî ya Mezopotamya (NÇM) derheqê enê qedexeyî de hesabê xo yê Tiwitterî ser ra beyanatêk da û aşkere kerd ke, qaymeqamî bêsebeb çalakîya înan qedexe kerda.

Merkezê Kulturî ya Mezopotamya (NÇM) serra 1991î de hetê çend roşnvîr, nuştox û şexsîyetanê Kurd ra şaristanê Îstanbulî de ameyo awankerdiş û ê wextî ra nata  kultur, huner û ziwanê Kurdî ser o xebatan keno. Cayê Merkezê Kulturî ya Mezopotamya (NÇM)  Îstanbul de qezaya Beyoglu de yo. Zaf rey konser, tîyatro û çalakîyê Merkezê Kulturî ya Mezopotamya (NÇM) hetê dewelte ra yene astengkerdiş û qedexekerdiş.