ZAZAKÎ NEWS - Ame zanayîş ke 2 rojî verê cû qezaya merkezî ya Battalgazî ya Malatya de pê guleyan xortêko Darahênîyij amo kiştiş.
Vajîya ke nameyê ciwano 23 serrî Sinan Kaçar o û Darahênî ra pa dewijanê xo semedê karê înşaatî şîyo Malatya.
Sînan Kaçar dewa Darahênî Deşta Emon ra bi.
Badê ke keyeyê ey pêhesîya lajê înan kişîyayo şi meyîtê ey ard Darahênî de defin kerd.
Sebebê kişyayîşê Sînanî nêzanîya û derheqê hedîse de tehqîqat dîya dest pêkerdiş.
